Zığ gölünün ekoloji vəziyyəti hər gün daha da pisləşir. Bu haqda bu gün, 16 avqust tarixində Bakuplus.az Xəzər Xəbərə istinadən məlumat verir.
300 hektara yaxın ərazisi olan göldə neft tullantıları, ətrafı bürüyən üfunət və gölə axıdılan kanalizasiya suları burada xoşagəlməz görüntü yaradır. Gölün bərpası üçün 9 il əvvəl göstəriş verilib, ancaq hələ də Zığ gölü bərbad vəziyyətdədir.
''Azərsu''dan bildirilib ki, sözügedən ərazidə layihə tam yekunlaşmayıb. Bu səbəbdən də kanalizasiyanın gölə axıdılması hələ də davam edir.
Ekologiya Nazirliyinin rezidenti olan şirkətdən bildirilib ki, yaxın zamanda tullantıların təmizlənməsi üçün zavod fəaliyyətə başlayacaq. Zavodun gündəlik 350 tondan 750 tona qədər tullantı təmizləmə gücü olacaq.
Yeni layihədə Zığ gölünün 120 hektar su hövzəsinin tam təmizlənməsi, ümumilikdə gölün sahəsinin 40 h-a qədər kiçildilməsi nəzərdə tutulub. Həmçinin gölün Xəzər dənizi ilə əlaqəsi də tam bərpa ediləcək.
Ekologiya nazirinin müavini məsələ ilə bağlı bildirib ki, öncə gölə tökülən çirkab sular dayandırılmalıdır, daha sonra reabilitasiyaya başlamaq olar. Göl təxminən 2 il ərzində tam bərpa olunacaq. Burada ticarət mərkəzi, emalatxana və digər müəssisələrin inşası nəzərdə tutulub.
[caption id="attachment_109622" align="alignnone" width="640"]
Foto Xəzər Xəbər[/caption]
