Ötən il bədbəxt hadisə nəticəsində xəsarət alan Gömrük Komitəsinin əməkdaşı Zahid Niyazov tam sağalıb. Bu haqda bu gün, 10 iyul tarixində Bakuplus.az Mərkəzi Gömrük Hospitalına istinadən məlumat verir.
Ötən il mayın 3-də 11-ci sinif şagirdi yaşadığı binadan özünü atarkən onu tutmağa çalışan Zahid Niyazov ağır zədələr almışdı. Mərkəzi Gömrük Hospitalına sol kürək sümüyünün parçalı oynaqdaxili yerdəyişmə sınığı və sol dirsəkdə mil sümüyünün başının parçalı yerdəyişmə sınığı ilə əlaqədar Zahid Niyazov üzərində bir neçə əməliyyat icra edilib.
Bir il ərzində əməkdaş mütəmadi olaraq kontrol müayinələrə gəlib, təyin olunan müalicələri vaxtı-vaxtında alıb. Onun heç bir şikayəti yoxdur, özünü yaxşı hiss edir.
