Vaqif Səmədoğlu 5 iyun 1939-cu ildə Bakıda, şair Səməd Vurğunun ailəsində anadan olub.
O, 1956-cı ildə Bülbül adına musiqi məktəbini bitirdikdən sonra indiki Ali Musiqi məktəbində fortepiano ixtisası üzrə təhsil almışdır. Sonra Moskvada Çaykovski adına Dövlət Konservatoriyasında ixtisas kursu keçmişdir.
[Azərbaycan qəzeti. Vaqif Səmədoğlu. 29 yanvar 2015 səh.4]
Vaqif Səmədoğlu 1963-cü ildə Ali Musiqi məktəbində müəllim kimi çalışmağa başlayıb. Həmin il onun ilk silsilə şeirləri “Azərbaycan” jurnalında çap olunub. O, müxtəlif illərdə “Azərbaycan Sovet Ensiklopediyası”nın baş redaksiyasında İncəsənət şöbəsinin müdiri, “Yazıçı” nəşriyyatında redaktor, Cəfər Cabbarlı adına “Azərbaycanfilm” kinostudiyasında ədəbi hissə müdiri kimi çalışıb. 2000-2010-cu illərdə Azərbaycan Respublikası Milli Məclisinin deputatı kimi fəaliyyət göstərib. [Respublika qəzeti. Vaqif Səmədoğlu. 29 yanvar 2015 səh.2]
Vaqif dramaturq kimi “Bəxt üzüyü” tamaşası ilə tanınır. “Bəxt üzüyü” filmi onun eyniadlı pyesi əsasında lentə alınıb. Onun filmdə qısa “Limonad satan” rolu olub. Vaqif Səmədoğlu aktyor olmadığından bir dubl çəkmək uçün aktyor Arif Quliyevə bir neçə şüşə su içirdib. Çəkilişlərdən sonra Arif Quliyev xəstəxanaya yerləşdirilmişdi. Vaqif Səmədoğlu: “Yazığa filimdə o qədər su içirdim, az qala ölmüşdü” deyə zarafat edirdi.
[Vaqif Səmədoğlu. Sona Xəyal. Bakı-2006] [https://modern.az/az/news/83096/meshur-filmlerden-meshur-sitatlar-bext-uzuyunun-diller-ezberi-olan-ifadeleri-adsiz-deyirmanda-xorez-olerquot]
O, Azərbaycan Respublikasının “Şərəf”, “Şöhrət” və “İstiqlal” ordenlərinə layiq görülmüşdür. [Azərbaycan qəzeti. Vaqif Səmədoğlu. 29 yanvar 2015 səh.4]
Vaqif Səmədoğlu 28 yanvar 2015-ci ildə uzun sürən xəstəlikdən sonra vəfat edib və Birinci Fəxri xiyabanda dəfn olunub.
[Respublika qəzeti. Vaqif Səmədoğlu. 29 yanvar 2015 səh.2]
