Azərbaycan memarlıq irsinin ilk tədqiqatçısı memar Sadıq Dadaşov

Sadıq Ələkbər oğlu Dadaşov 15 aprel 1905-ci ildə Bakıda anadan olub.

O, 1920-ci ildə məktəbi bitirdikdən sonra indiki Azərbaycan Texniki Universitetinin memarlıq fakültəsinə daxil olub. Sadıq tələbəlik illərində Nizami Gəncəvi muzeyi və Gəncədə qoyulacaq abidəsinə həsr olunmuş müsabiqələrdə iştirak edib. Sadıq 4 il ərzində dostu memar Mikayıl Useynov ilə Şirvanşahlar saray kompleksində “Divanxana”, “Türbə” və qismən “Şah məscidi”nin memarlıq-ölçmə işlərini aparıblar.

[Bakının memarlıq mənzərəsində parlaq imza. Mədəniyyət. 25 dekabr 2019. S.7.] [Nəriman Əliyev. Sadıq Dadaşov və Mikayıl Hüseynov. Bakı - 2013. S. 8, 9]

Sadıq Dadaşov 1929-cu ildə universiteti bitirdikdən sonra pedaqoji kollektivin qərarına əsasən, burada assistent kimi saxlanılır. Memar 1929-1933-cü illərdə 23 tikilinin layihəsini vermişdir. Bunların sırasına Azərbaycan Dövlət Neft Akademiyasının yeni binası, Qazaxda Pedaqojı Texnikumun binası, bir sıra yaşayış binaları daxildir. [https://science.gov.az/az/forms/skonchavshiesya-deystvitelnyie-chlenyi/3243]

Azərbaycan memarlıq irsinin ilk tədqiqatçısı memar Sadıq Dadaşovdur. O, Azərbaycanın memarlıq tarixini öyrənmək üçün 1934-1940 və 1944-1946-cı illərdə bir sıra rayonlara elmi səfərə çıxmışdı. Sadıq memarlıq üzrə elmi əsərlərini memar Mikayıl Useynov ilə birgə yaradıb.

Dadaşovun əsas işləri sırasında “Nizami” kinoteatrının, Bakı Musiqi Akademiyasının, Nizami Gəncəvi adına Milli Azərbaycan Ədəbiyyatı Muzeyinin binalarını qeyd etmək olar. O, Nizami Gəncəvinin 1946-cı ildə Gəncədə, 1949-cu ildə Bakıda ucaldılmış abidələrinin layihə müəllifidir. [Bakının memarlıq mənzərəsində parlaq imza. Mədəniyyət. 25 dekabr 2019. S.7.] [https://science.gov.az/az/forms/skonchavshiesya-deystvitelnyie-chlenyi/3243]

Sadıq Dadaşov Azər­­baycan SSR Xalq Komissar­la­rı Soveti ya­­nında Me­marlıq İşləri İdarəsinin ilk rəisi ol­ub. O, SSRİ Me­mar­lıq Akademiya­sı­nın müxbir üz­vü, 1945-ci ildə yeni yaradıl­mış Azər­baycan SSR Elmlər Aka­demiyası­nın (in­­di­ki Azərbay­can Milli Elm­lər Akade­miyası) həqiqi üzvü seçil­ib. Memar Azər­­bay­canın Əməkdar incəsənət xadimi fəxri adına, SSRİ Dövlət mü­ka­fatına layiq görülüb, “Lenin” or­de­ni, “Qırmızı Əmək Bay­ra­ğı” ordeni və me­dal­larla təltif edilib. [Bakının memarlıq mənzərəsində parlaq imza. Mədəniyyət. 25 dekabr 2019. S.7.] [https://science.gov.az/az/forms/skonchavshiesya-deystvitelnyie-chlenyi/3243]

Sadıq Ələkbər oğlu Dadaşov 24 dekabr 1946-cı ildə Moskvada vəfat edib, Bakıda dəfn olunub.