Bakı Dövlət Sirki 1945-ci ildə Azərbaycanın ilk milli sirk truppası kimi yaradılmışdır. Truppanın yaradıcı proqramının tərkibində sirk nömrələri ilə yanaşı, estrada və balet artistlərinin çıxışları da olmuşdur. Bakı Dövlət Sirkinin ilk peşəkar milli sirk proqramının nümayişi 12 iyul 1946-cı ildə baş tutmuşdur. Kollektivin “Azərbaycan toyu” adlı ilk proqramını bəstəkar Üzeyir Hacıbəyov hazırlamışdı. Proqramın rejissoru Soltan Dadaşov, bəstəkarı Səid Rüstəmov, baletmeysteri Əminə Dilbazi, mətnin müəllifi Süleyman Rüstəm olmuşdur. [https://circus.az/history]
Ölkənin sirk ustaları 1990-cı illərin əvvəllərinə qədər yaratdıqları proqramlarla SSRİ ərazisində və eləcə də dünya ölkələrinin sirk arenalarında çıxışlar ediblər. 1992-ci ildən Azərbaycan sirk kollektivi maliyyə çatışmazlığından qastrol fəaliyyətini dayandırdı. Həmin vaxtdan Bakı sirkinin səhnəsində, əsasən, başqa ölkələrin sirkləri müqavilə əsasında çıxış etməyə başladılar. [Д.Каракмазли.Чем недоволен Бакинский цирк// Эхо. -2001]
Bina ölkə əhəmiyyətli abidələr siyahısına daxil olunsa da, hal-hazırda baxımsız vəziyyətdədir.
