İdmançı Eduard Məmmədova daxili işlər orqanlarında yüksək vəzifə verilib. Bu haqda 21 sentyabr tarixində Bakuplus.az məlumat verir.
Daxili işlər naziri general-polkovnik Vilayət Eyvazovun əmri ilə “Ağ Canavar” ləqəbli peşəkar kikboksçu Eduard Məmmədov DİN-in İdman Cəmiyyətinin İdman-təlim şöbəsinin rəisi vəzifəsinə təyin olunub.
Eduard Məmmədov 2 yanvar 1978-ci ildə Bakıda anadan olub. O, bir çox nailiyyətlərə və vəzifələrə sahibdir:
- 26 qat dünya çempionu,
- 7 qat Avropa çempionu,
- 7 qat dünya kubokunun sahibi,
- 15 qat Azərbaycan çempionu,
- Asiya və Avrasiya çempionu,
- peşəkarlar arasında WAKO versiya üzrə interkontinental kəmərin sahibi,
- peşəkarlar arasında IKBO versiya üzrə dünya kəmərinin sahibi,
- Əməkdar idman ustası,
- Əməkdar məşqçi,
- Azərbaycan Respublikasının Fəxri Bədən Tərbiyəsi və İdman İşçisi,
- Azərbaycan Kikboksinq Federasiyasının İdarə heyətinin sədr müavini,
- Milli komandanın baş məşqçisinin köməkçisi,
- Daxili İşlər Nazirliyinin "DİNAMO" İdman Cəmiyyətinin Baş İnspektoru,
- polis polkovnik-leytenantı.
2011-ci ildə Eduardın əkiz övladları dünyaya gəlib.
