Bakıda cüdo məşqçilərinin iclası keçirilir. Bu haqda bu gün, 16 fevral tarixində Bakuplus.az Report-a istinadən xəbər verir.
Paytaxtda təşkil edilən cüdo üzrə “Böyük Dəbilqə” turniri ərəfəsində hakimlərin toplantısı keçirilir.
Beynəlxalq Cüdo Federasiyasının (IJF) baş hakimi Daniel Florin Laskau Bakıya toplaşan hakimləri və qonaqları salamlayıb.
“Ev sahibi federasiyanın səyləri sayəsində bu heyrətamiz cüdo tədbirində olduğumuz üçün şanslıyıq. Azərbaycanın keçmiş idmançıları məşqçilik və hakimlik fəaliyyətinə cəlb edilərək, gözəl addımlar atırlar. Onlar həm performans, həm tədris, həm də hakimlik baxımından irəliləyirlər”, – deyə o qeyd edib.
Azərbaycan Cüdo Federasiyasının (ACF) baş katibi Rəşad Rəsullu seminarın Bakıda təşkilindən məmnunluq ifadə edib.
Toplantı ərzində tatami üzərində məşğələlər, videolara baxışlar və birgə müzakirələr keçirilib.
