Paytaxtda ABAD məhəllə komandaları arasında minifutbol turniri keçiriləcək. Bu haqda bu gün, 10 aprel tarixində Bakuplus.az xəbər verir.
Turnir 2012-2013-cü il təvəllüdlü ABAD məhəllə komandaları arasında baş tutacaq. İdman tədbirində 1152 gənc idmançının yer aldığı 96 komanda iştirak edəcək.
Yarışların birinci turu aprelin 20-nədək paytaxt rayonlarında keçiriləcək, sonra isə rayon yarışlarında qalib gələnlər Bakı şəhər mərhələsində yarışacaqlar. Turnir finalına mayın 3-də yekun vurulacaq.
Yarışların qalibləri Fəxri Fərman və qiymətli hədiyyələrlə mükafatlandırılacaqlar.
Tədbir Bakı Şəhər İcra Hakimiyyəti, Bakı Şəhər Gənclər və İdman İdarəsi və “Regional İnkişaf” İctimai Birliyinin təşkilatçılığı ilə ulu öndər Heydər Əliyevin doğum gününə həsr olunacaq.
Qeyd edək ki, turnirin rayon mərhələlərinə artıq start verilib.
