Bakıda keçirilən Dünya Kubokunun mükafatlandırma mərasimi olub. Bu haqda BakuPlus.az Report-a istinadən bu gün, 7 noyabr tarixində xəbər verir.
Yunan-Roma güləşi üzrə yarışda ilk üç yeri tutmuş komandalar qızıl, gümüş və bürünc medallarla təltif ediliblər.
Üçüncü yerin sahibi Dünya yığmasına medalları Azərbaycanın gənclər və idman naziri Fərid Qayıbov təqdim edib.
Gümüş medal qazanmış Azərbaycan yığmasının üzvlərini Azərbaycan Güləş Federasiyasının vitse-prezidenti, Dünya Güləş Birliyinin büro üzvü Namiq Əliyev mükafatlandırıb.
Çempion olan İran komandasının medallarını isə Dünya Güləş Birliyinin (UWW) Büro üzvü, həmçinin UWW Avropanın prezidenti Karl-Martin Ditman təqdim edib.
[caption id="attachment_77959" align="alignnone" width="640"]
Foto Report.az saytı[/caption]
