Futbol üzrə Azərbaycan Premyer Liqasında çıxış edən "Kəpəz", "Səbail", "Sabah" və "Qarabağ" klubları cərimələnib.
Bakuplus.az xəbər verir ki, bu barədə AFFA İntizam Komitəsi qərar verib.
26.04.2025-ci il tarixində Misli Premyer Liqasında XXXII turun “Kəpəz” – “Zirə” oyununda “Kəpəz” klubunun azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 3-cü dəfə yaşandığına görə “Kəpəz” klubu 1000 manat cərimə edilib.
27.04.2025-ci il tarixində Misli Premyer Liqasında XXXII turun “Səbail” – “Araz-Naxçıvan” oyununda “Səbail” klubunun 4 futbolçusu sarı vərəqə aldığı üçün “Səbail” klubu 700 manat cərimə olunub.
27.04.2025-ci il tarixində Misli Premyer Liqasında XXXII turun “Sabah” – “Qarabağ” oyunu bitdikdən sonra meydançaya kənar şəxs daxil olduğuna görə “Sabah” klubu 800 manat cərimə edilb.
27.04.2025-ci il tarixində Misli Premyer Liqasında XXXII turun “Sabah” – “Qarabağ” oyunu bitdikdən sonra “Qarabağ” klubunun azarkeşləri tərəfindən pirotexniki vasitədən istifadə edildiyinə görə “Qarabağ” klubu 1500 manat cərimə olunub.
