Bakılı idmançı IV Dünya Köçəri Oyunlarında iştirak edəcək. Bu haqda 30 sentyabr tarixində Bakuplus.az məlumat verir.
Türkiyənin Bursa şəhərində keçirilən IV Dünya Köçəri Oyunlarında iştirak edəcək idmançımız Dünya çempionu Cəlal Süleymanov oktyabrın 1-də 65 kq salvar güləşi növündə mübarizə aparacaq.
Azərbayacan təmsilçiləri mötəbər yarışda milli idmanın 12 növündə: alış güləşi (2 növdə), kəmər güləşi, mas-restlinq, koreş, aşırtmalı aba güləşi, kapışmalı aba güləşi, pəhləvan güləşi, milli oxatma, yağlı güləş, kuraş, Qazax güləşində təmsil olunacaqlar.
Oyunlar oktyabrın 3-dək davam edəcək.
Cəlal Süleymanov 1986-cı il, avqustun 15-də Bakıda anadan olub. O, bundan əvvəl də III Dünya Köçəri Oyunlarında milli güləş növü üzrə yarışda qızıl medal qazanmışdır.
