Avrokubokun seçmə mərhələsinə hazırlaşan komanda AHF Arena idman kompleksində təlim-məşq toplanışı keçirir. Bu haqda bu gün, 29 sentyabr tarixində Azərtac məlumat verib.
Kişi həndbolçulardan ibarət “Bakı” klubu qitə miqyaslı yarışlarda Azərbaycanı təmsil edəcək. Azərbaycan çempionu ikinci təsnifat mərhələsində Bosniya və Herseqovinanın “Qraçanisa” klubu ilə qarşılaşacaq.
İlk oyun oktyabrın 29-da, cavab qarşılaşması isə bir gün sonra keçiriləcək.
Bosniya və Herseqovinada təşkil olunacaq görüşlər yerli vaxtla saat 18:00-da başlayacaq.
Keçmiş “ABU Arena” yaxın günlərdə yeni “AHF Arena” adi ilə fəaliyyətə başlayıb. İdman kompleksi Azərbaycanın həndbol üzrə milli komandaları və klubları üçün nəzərdə tutulub. Verilən məlumata əsasən, binada aparılan təmir işləri bu yaxınlarda yekunlaşıb. Məşq zalında, soyunub-geyinmə və istirahət otaqlarında təmir işləri başa çatdırılıb. 2004-cü ildə tikilən idman qurğusu hər cür şərait yaradılaraq həndbolçuların ixtiyarına verilib.
[URIS id=72116]
