Bakının Nərimanov rayonu, Atatürk prospekti, 37 ünvanında yerləşən ABAD məhəllədə 16 oktyabr tarixində “Gimnastika hamı üçün” layihəsi çərçivəsində turnir keçiriləcək. Bu haqda bu gün, 13 oktyabr tarixində Bakuplus.az məlumat verir.
Gimnastika üzrə mütəxəssislərin rəhbərliyi altında istənilən yaş qrupundan olan insanlar proqrama qoşularaq isinmə və gimnastika hərəkətləri edə bilərlər. Sonda iştirakçılara sertifikatlar təqdim olunacaq.
Tədbirdə iştirak etmək istəyən uşaq, yeniyetmə və gənclər aşağıda qeyd olunan link vasitəsilə ad, soyad, təvəllüd və təhsil aldığı müəssisəni yazaraq qeydiyyatdan keçə bilərlər.
Əraziyə giriş sərbəstdir. Tədbirin təşkilində məqsəd gimnastikanın əhali arasında təbliği, sağlam həyat tərzinə çağırış, asudə vaxtının səmərəli təşkilidir. Tədbir Nərimanov Rayon Gənclər və İdman İdarəsi tərəfindən təşkil edilir.
