“Qarabağ” FK UEFA Avropa Liqasında Fransanın klubunu darmadağın etdi. Bu haqda bu gün, 16 sentyabr tarixində Bakuplus.az xəbər verir.
Oyundan öncə stadiondakı bütün azarkeşlər səssiz qalaraq şəhidlərimizi 1 dəqiqəlik sükutla yad etdilər.
Matçın birinci hissəsi qarşılıqlı hücumlar şəraitində keçsə də, hesab açılmadı. Oyunda ilk qol komandamız tərəfindən 60-cı dəqiqədə Ovusu tərəfindən vuruldu. Ondan düz 5 dəqiqə sonra hesab fərqi 2-yə yüksəldi. Zubir rəqibin səhvini bağışlamadı. Matçda son nöqtəni Yankoviç 72-ci dəqiqədə qoydu.
Fransanın 1-ci divizionundan olan “Nant” böyük hesabla məğlub olaraq vətəninə geri döndü.
“Qarabağ”ın baş məşqçisi Qurban Qurbanov qələbəni şəhidlərimizə həsr etdi. O, bu haqda oyundan sonra müsahibədə bildirdi.
“Futbolçular həyəcanlı idi. Belə bir gündə hamı qalib gəlmək istəyirdi, hamı səhv etməkdən qorxurdu, ancaq oyun yaxşı yekunlaşdı. Allah ordumuzu qorusun”, - deyə o əlavə edib.
2 oyundan sonra “Qarabağ” 3 xalla turnir cədvəlinin 2-ci pilləsində qərarlaşıb. “Nant” eyni xalla 3-cü, “Frayburq” isə 6 xalla 1-ci yerdədir. “Olimpiakos” hələ ki xal toplaya bilməyib.
