Sərhədçi İdman Mərkəzində Ciu-citsu üzrə Bakı şəhər turniri keçirilib. Bu haqda BakuPlus.az Bakı Şəhər Gənclər və İdman Baş İdarəsinə istinadən bu gün, 29 avqust tarixində xəbər verir.
Milli Olimpiya Komitəsinin yaranmasının 30 illik yubileyinə həsr olunmuş turnirdə paytaxtın 13 klubundan 200-ə yaxın idmançı iştirak edib.
Yarış Baş İdarənin və Azərbaycan Ciu-Citsu Federasiyasının təşkilatçılığı ilə keçirilib.
Ömər Bəkirov, Emil Verdiyev, Ömər Atakişiyev, Hüseyn Eminli, Fuad Muradov, Kərəm Mamedov, Həsən Səfərəliyev, Ağabəy Cəbiyev, Ömər Ağayev müxtəlif çəki dərəcələrində 1-ci yerə layiq görülüblər.
Maraqlı və gərgin idman mübarizəsi şəraitində keçən yarışın qalibləri Baş İdarə tərəfindən müvafiq dərəcəli diplom və medallarla təltif ediliblər.
[caption id="attachment_66535" align="alignnone" width="800"]
Foto Bakı Şəhər Gənclər və İdman Baş İdarəsinin Facebook səhifəsi[/caption]
