Beynəlxalq Şahmat Federasiyası (FİDE) növbəti reytinq siyahısını açıqlayıb. Bu haqda bu gün, 1 fevral tarixində Bakuplus.az federasiyaya istinadən xəbər verir.
2 pillə irəliləyən Teymur Rəcəbov (2723) 25-ci yerdə qərarlaşıb. Şəhriyar Məmmədyarov isə (2723) 2 sıra geriləyərək 26-cı yerdədir.
Rauf Məmmədov (2651) 88-ci, Nicat Abasov (2641) isə yenidən "100-lüy"ə qayıdaraq 96-cı olub.
Reytinq cədvəlinə norveçli Maqnus Karlsen (2830) başçılıq edir. ABŞ-dən olan Fabiano Karuana (2804) 2-ci, Hikaru Nakamura (2788) isə 3-cü pillədədirlər.
Qadın şahmatçılarımızdan Günay Məmmədzadə (2449) 26-cı sıradakı yerini qoruyub. Ülviyyə Fətəliyeva (2384) 65-ci, Gövhər Beydullayeva (2374) 76-cı, Gülnar Məmmədova (2351) 100-cüdür.
Qadınların reytinqində Çinli Yifan Hou (2632) liderlik edir. Onun həmyerlisi Venyun Yu (2559) 2-ci, hindistanlı Humpi Koneru (2554) isə 3-cüdür.
