Bakı Ağır Cinayətlər Məhkəməsində oğurluqda təqsirləndirilən Rəşad Novruzova və Hikmət Arzumanova hökm oxunub. Bu haqda bu gün, 13 aprel tarixində Trend məlumat verib.
Məhkəmə prosesi hakim Azad Məcidovun sədrliyi ilə keçirilib. Təqsirləndirilən şəxslərin hər biri 8 il müddətinə azadlıqdan məhrum edilib.
İttihama görə, həmin şəxslər Nərimanov rayonu ərazisindəki mənzillərdən birinə daxil olaraq oradan ümumi çəkisi 99 qram olan 50 min manat dəyərində olan qızıl boyunbağı oğurlamışdırlar.
Nərimanov Rayonu Daxili İşlər İdarəsi əməkdaşlarının keçirdikləri əməliyyat tədbirləri nəticəsində hadisəni törətməkdə təqsirləndirilən R.Novruzov və X.Arzumanov tutulmuşdur.
