Yanğın nəticəsində ümumi sahəsi 750 kv.m olan təsərrüfat malları mağazası 230 kv.m sahədə , ümumi sahəsi 830 kv.m olan anbarın dam örtüyü isə 600 kv.m sahədə kül olub.
Alovun mənzillərə keçməsinin qarşısı alınıb, 20 nəfər təxliyə olunub, 1 nəfər tüstüdən zəhərlənib.
Araşdırmalar davam edir.
14:20 - Yanğın söndürülüb
Yeddimərtəbəli binada baş vermiş yanğın tam söndürülüb.
Yanğın zamanı bina sakinləri təxliyə edilib, eləcə də 1-ci mərtəbədə yerləşən anbardakı məhsullar təhlükəsiz əraziyə köçürülüb.
13:25 - Yanğın lokallaşdırılıb
Hadisə yerinə 25-ə yaxın texnika və 130 nəfərə yaxın canlı qüvvə cəlb olunub. Polis əməkdaşları təhlükəsizlik tədbirləri görüb, əraziyə giriş-çıxışı bağlayıb.
11:24 - Yaşayış binası yanıb
Abşeron rayonu, Məmmədli qəsəbəsində yanğın başlayıb. Bu haqda bu gün, 11 yanvar tarixində Bakuplus.az sosial şəbəkələrə istinadən xəbər verir.
Alışma çoxmərtəbəli yaşayış binalarından birinin dam örtüyündən başlayıb.
Hadisə yerinə FHN-in əməkdaşları cəlb olunublar. Yanğınsöndürmə işləri davam edir.
[video width="352" height="496" mp4="https://bakuplus.az/storage/photos/2023/01/img_2093.mp4"][/video]
