Avtomobillə piyadanı vurub qaçmaqda ittiham edilən blogerdən marketə gedib ərzaq alması və pul verməsi tələb edilib. Bu haqda bu gün, 8 fevral tarixində Bakuplus.az Qafqazinfo-ya istinadən məlumat verir.
Səbinə Kətanova piyadaya xəsarət yetirmədiyi, maşını yolun kənarına çəkərək xəsarət aldığını iddia edən piyada R. Ç. ilə söhbət etdiyini bildirib.
“Nərimanov rayonu ərazisində avtomobillə hərəkətdə olan zaman işıqforun qırmızı işığının yanmasını görüb digər avtomobillər kimi maşını dayandırdım. Yaşıl işıq yananda və mən hərəkətə başlayanda anidən bir nəfərin maşının qarşısına qaçdığını görüb dayandım. Həmin adam yolu keçmədi, maşın da ona dəymədi. Qayıdıb qolunu maşının sol güzgüsünə vurub güzgünü əydi. Ona dedim: “Siz nə edirsiniz belə?” O da qayıtdı: “Siz məni vurdunuz”. Dedim: “Axı sizi vurmamışam, siz qəsdən gəlib maşına toxundunuz”. Məndən pul istəsə də, imtina etdim, dedim: “Sizə niyə pul verməliyəm ki?”, - deyə bloger söyləyib.
Səbinə bildirir ki, hadisə planlaşdırılmış şəkildə edilib. Bu iş üzrə məhkəmə 2021-ci ildən gedir. Piyada qolundakı xəsarəti avtomobilin vurmasına görə yox, idman zalında aldığını etiraf etsə də, qadına bəraət verilmir.
[video width="822" height="430" mp4="https://bakuplus.az/storage/photos/2023/02/328988219_196445762989473_6434035835873055937_n.mp4"][/video]
