Bakı dəmir yolu stansiyası ərazisində kişinin çantasını oğurlamaqda şübhəli bilinən şəxs saxlanılıb. Bu haqda bu gün, 9 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata görə, Bakı şəhər sakini M.Səlimovun içərisində 340 manatı olan pulqabısı oğurlanıb. NBPİ-nin Dəmir Yolu Nəqliyyatında Polis İdarəsi əməkdaşlarının keçirdikləri əməliyyat tədbiri nəticəsində əməli törətməkdə şübhəli bilinən paytaxt sakini Məsim Nağıyev saxlanılıb.
Faktla bağlı araşdırma aparılır.
