Bakıda bir avtomobildən 90 ədəd qol saatını oğurlayan şəxs tutulub. Bu haqda Report 11 fevral tarixində xəbər verib.
Fevralın 3-nə keçən gecə paytaxtın Nizami rayonunda B.Nuriyev küçəsində “Mercedes” markalı avtomobildən 1800 manat dəyərində 90 ədəd qol saatını oğurlamaqda şübhəli bilinən Babək rayon sakini, əvvəllər məhkum olunmuş V.Məmmədov saxlanılıb. Şəxsi axtarış zamanı ondan metamfetamin aşkar edilib.
Əməliyyat-axtarış tədbirləri nəticəsində narkotik vasitəni ona satmaqda şübhəli bilinən Neftçala rayon sakini, əvvəllər məhkum olunmuş V.Sultanov da polis əməkdaşları tərəfindən müəyyən edilərək saxlanılıb.
Şəxsi axtartış zamanı ondan da metamfetamin götürülüb.
