14:37 - Yenilənib
Qətlə yetirilən Kamran Bəkirovun qızı tanınmış iş xanımı, rəssam-modelyer Elnarə Bəkirovadır.
[caption id="attachment_96588" align="alignnone" width="590"]
Foto açıq mənbədən[/caption]
09:40 - Bakıda 300 min manatla itkin düşmüş kişi ölü tapılıb
Paytaxtda iki gün əvvəl külli miqdarda pulla itkin düşən şəxsin meyiti tapılıb. Bu haqda bu gün, 8 aprel tarixində Bakuplus.az Daxili İşlər Nazirliyinin (DİN) Mətbuat Xidmətinə istinadən məlumat verir.
Aprelin 6-da paytaxtın Sabunçu rayonunda 69 yaşlı Kamran Bəkirovun 300 min manat pulla itkin düşməsi barədə polisə məlumat daxil olub.
Polis əməkdaşlarının həyata keçirdikləri əməliyyat-axtarış tədbirləri nəticəsində qətl törədilməsi və meyitin gizlədilməsi faktı məlum olub. Müəyyən edilib ki, aprelin 6-da saat 19:00 radələrində paytaxtın Sabunçu rayonunun Nardaran qəsəbəsi ərazisində Kamran Bəkirov 68 yaşlı Mustafa Zeynalov və onun qohumu 38 yaşlı Namiq Əliyev tərəfindən qəsdən öldürülüb. Bəkirov pul üstündə münaqişə zəminində küt alətlə öldürülüb, onun meyiti isə “Ləhiş bağları” ərazisindəki quyuya atılıb.
Faktla bağlı Sabunçu rayon prokurorluğunda cinayət işi başlanıb.
