Bakıda sürülməyən avtomobil cərimə olunub. Bu haqda bu gün, 8 may tarixində Bakuplus.az Xəzər Xəbər-ə istinadən məlumat verir.
Bakı sakini Etibar Həsənov iddia edir ki, o, ötən ilin noyabr ayından avtomobili idarə etmir, ancaq 5 may tarixində ona 50 AZN cərimə gəlib.
“Maşına baxanda da görünür ki, avtomobildən istifadə olunmayıb. Motorunda problem var deyə 6 aydır maşın burada “yatır”. 5 mayda mesaj gəlib ki, texniki pasportun vaxtı bitib deyə cərimə olunmuşam”, - deyə sakin deyib.
O iddia edir ki, qanunvericiliyə əsasən, hərəkətdə olmayan nəqliyyat vasitəsi texniki baxışla bağlı cərimələnə bilməz. O, buna görə yazılan cərimənin ləğv edilməsini istəyir.
Daxili İşlər Nazirliyindən məsələnin araşdırılacağı bildirilib.
[caption id="attachment_99568" align="alignnone" width="640"]
Foto Xəzər Xəbər[/caption]
