Bakıda narkotik vasitənin təsiri altında avtomobili idarə edən şəxs yanvarın 8-də saat 14:00 radələrində Qobustan qəsəbəsi ərazisində saxlanılıb. Bu haqda bu gün, 10 yanvar tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
“Mercedes” markalı avtomobili idarə edən sürücü, Bərdə rayon sakini Şamxal Qasımov dövlət qeydiyyat nişanının üzərinə örtük çəkib. Bu səbəbdən o, Baş Dövlət Yol Polisi İdarəsinin əməkdaşları tərəfindən saxlanılıb. Araşdırma zamanı onun narkotik vasitənin təsiri altında olduğu müəyyən edilib.
Hadisə ilə bağlı protokol tərtib edilib, materiallar məhkəməyə göndərilib. Qaradağ rayon məhkəməsinin qərarına əsasən, Ş.Qasımov 20 gün müddətinə inzibati qaydada həbs olunub.
