Bakıda Ermənilərin təxribatında iştirak edən şəxslər tutulublar. Bu haqda bu gün, 6 may tarixində Bakuplus.az Xəzər Xəbər-ə istinadən xəbər verir.
“Xaytarak” və “Erməni Ari dövləti” radikal qruplaşmalarının emblemlərini Bakı küçələrində əks etdirən videogörüntüləri çəkən şəxslər DTX tərəfindən saxlanılıblar.
Ümumilikdə şübhəli bilinən 3 nəfər qadın - Rusiya əsilli İtaliya vətəndaşı olan Yana Gutselyuk, Elena Lariontseva və onun Bakıdan olan və Rusiyada yaşayan rəfiqəsi Lalə Bəhrəmova olublar.
Həmin qadınların sözlərinə görə, onlarla naməlum şəxslər əlaqə saxlayıblar və Rusiyada “Gəncə” restoranında işlədiklərini bildiriblər. Naməlum şəxslər həmin restoranda məclis etdiklərini və bu səbəbdən onlar üçün Bakının müxtəlif yerlərindən emblemlə birlikdə video və şəkil çəkmələrini istəyiblər. Onlar bu əmələ görə xanımlara pul da təklif ediblər.
Naməlum şəxslər xanımlara Azərbaycanlı olduqlarını bildirərək onları razı salmağı bacarıblar.
Bundan əlavə, DTX “Xaytarak” radikal qruplaşmasının Telegram kanalının təsisçi və inzibatçılarını da tapıblar. Onlar Rusiyanın müxtəlif yerlərində yaşayan Qurqen Torosyan, Sarkis Arutyunyan, İqor Akopdjanyan və Artur Martirosyandır.
