Bakının Nizami rayonunda gecə klublarından birinin yaxınlığında 4 ərəb turisti arasında kütləvi dava baş verib. Bu haqda 30 yanvar tarixində Baku.ws məlumat yayıb.
Daxili İşlər Nazirliyi tərəfindən yayılan məlumata əsasən, ərəb ölkələrin vətəndaşları arasında naməlum səbəbdən mübahisə yaranıb. Təsadüfən yaxınlıqda olan şəxslər onları ayırmağa çalışsalar da, həmin cəhd uğursuzluqla nəticələnib. Hadisə yerinə 25-ci polis şöbəsinin əməkdaşları cəlb olunaraq, onları bölməyə aparıblar. Xarici vətəndaşlar tərcüməçinin köməkliyi ilə izahat yazıblar.
Polis bölməsində turistlər bir-birindən şikayət etmədiklərini bildiriblər. Onlar izahat verdikdən sonra sərbəst buraxılıblar. Növbəti gün onlar yaşadıqları ölkələrə qayıdıblar.
