Noyabrın 24-dən 25-nə keçən gecə Bakıda piyadaların vurulması ilə nəticələnən 3 qəza baş verib. Toqquşma nəticəsində 3 nəfər xəsarət alıb.
Xətai rayonunda avtomobil yolu keçən 19 yaşlı Ləman Musalını vurub. Yaralı təcili tibbi yardımın köməyi ilə xəstəxanaya yerləşdirlib. Müayinə zamanı ona qapalı kəllə-beyin travması, baş-beyin silkələnməsi və sağ qaş nahiyəsinin çapılmış yarası diaqnozları qoyulub.
Xəzər rayonunun Binə qəsəbəsində 70 yaşlı Adil Abbasovanı minik avtomobil vurub. Kişi xəstəxanaya çatdırılıb.
Daha bir yol-nəqliyyət hadisəsi Suraxanı rayonu, Hövsan qəsəbəsində qeydə alınıb. 17 yaşlı Elmar Rzayevi yolu keçərkən onu avtomobil vurub. Hadisə yerinə təcili tibbi yardım briqadası cəlb olunub. Yaralı sol bayır topuğun yerdəyişən sınığı ilə xəstəxanaya çatdırılıb.
Hər üç faktla bağlı araşdırma aparılır.
