Bakıda həmyerlilərini qaçıran Pakistan vətəndaşları onlardan 20 min dollar tələb ediblər. Bu haqda bu gün, 17 aprel tarixində Report məlumat verib.
Pakistan vətəndaşları - 20 yaşlı Xuşnam Əli və 38 yaşlı Şahzad Əli polisə müraciət ediblər.
Onların sözlərinə görə, onlar aprelin 13-də Azərbaycana turist kimi gəliblər. Heydər Əliyev Beynəlxalq Aeroportunda onları həmyerliləri - 27 yaşlı Muxtar Möhsin, 35 yaşlı Abbas Məhəmməd və 27 yaşlı Müzəmmil Məhəmməd qarşılayıblar. Onları taksi xidməti göstərmək adı ilə Bakı sakininə məxsus kirayədə yaşadıqları mənzilə gətiriblər.
Onlar həmyerlilərini kəsici alətlərlə hədələyərək zərərçəkənlərdən 1500 ABŞ dolları və 400 avro alaraq azadlığa buraxılmaları üçün 20.000 ABŞ dolları tələb ediblər.
Faktla bağlı cinayət işi başlanıb.
