Bakınını Sabunçu rayonu, Kürdəxanı-Pirşağı avtomobil yolunda martın 13-də iki avtomobil toqquşub. Bir nəfər dünyasını dəyişib. Bu haqda bu gün, 14 mart tarixində Report məlumat verib.
Ramin Kazımovun idarə etdiyi "Ford" markalı yük avtomobili ilə qarşı istiqamətdə hərəkətdə olan Aqil Rəhmanovun idarə etdiyi "Ford" markalı yük avtomobili toqquşub. Qəza nəticəsində Rəhmanov aldığı xəsarətlərdən hadisə yerində ölüb.
Faktla bağlı Sabunçu Rayon Polis İdarəsində Cinayət Məcəlləsinin “Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi başlanıb, istintaq aparılır.
