Paytaxtın Nizami rayonunda yaralanma ilə nəticələnən iki hadisə baş verib.
APA-nın məlumatına əsasən, hadisələrdən biri rayonun 8-ci kilometr qəsəbəsində yerləşən doğum evinin həyətində qeydə alınıb. 28 yaşlı Kamran Abdulov naməlum şəxs tərəfindən bıçaqlanıb. Yaralı xəstəxanaya yerləşdirilib.
Report xəbər verir ki, digər hadisə rayonun Kamil Balakişiyev küçəsindəki evdə baş verib. Tanışı tərəfindən xəncərlə vurulan 27 yaşlı Kamran Musayev xəstəxanaya yerləşdirilib. Ona müayinə zamanı baş və sol qolun geniş həcmli yaraları diaqnozu qoyulub.
Hadisələrin təfərrüatları araşdırılır.
