Yenilənib:
Kliniki Tibbi Mərkəzdən verilən məlumata əsasən, 6 nəfər şagird xəstəxanaya gətirilib. Onlardan 3 nəfər müayinədən sonra evə buraxılıb, 2 nəfərin vəziyyəti qənaətbəxşdir, 1 nəfər isə reanimasiya şöbəsinə yerləşdirilib.
14:04 - Məktəb şagirdləri zəhərlənib
Bakıda yerləşən məktəblərin birində şagirdlər arasında kütləvi zəhərlənmə baş verib. Bu haqda bu gün, 6 aprel tarixində Bakuplus.az Oxu.az-a istinadən xəbər verir.
Belə ki, paytaxtın Yasamal rayonunda yerləşən 20 saylı tam orta məktəbdə 10-a yaxın ibtidai sinif şagirdi zəhərlənmə diaqnozu ilə xəstəxanaya yerləşdirilib. Onların quş əti tərkibli qida qəbul etdikləri bildirilir.
Bakı Şəhəri üzrə Təhsil İdarəsindən məsələ ilə bağlı qeyd ediblər ki, qidalar məktəb bufetinin müvafiq şirkətlə razılaşması əsasında hazırlanır. İnsidentlə bağlı şirkətə və müvafiq qurumlara məlumat verilib.
Uşaqların vəziyyəti isə kafi və normal olaraq qiymətləndirilir.
