Bakının Qaradağ rayonu, Lökbatan qəsəbəsində yerləşən bazarda meyvələrin oğurlanmasında şübhəli bilinən Şirvan sakini saxlanılıb. Bu haqda bu gün, 28 iyun tarixində Report məlumat verib.
Polis bölməsinə müraciət edən Tovuz sakini T.Əhmədli bildirib ki, ondan 340 kiloqram meyvə oğurlanıb.
Polis əməkdaşlarının apardığı əməliyyat tədbirləri nəticəsində əməli törətməkdə şübhəli bilinən Şirvan şəhər sakini S.Hüseynov müəyyən edilərək saxlanılıb. Araşdırma zamanı müəyyən olunub ki, daha öncə, iyunun 11-də həmin bazarda Abşeron rayon sakini O.Mehdiyevə məxsus 1500 manat dəyərində, iyunun 27-nə keçən gecə isə Bakı şəhər sakini H.Zabidliyə məxsus 630 manat dəyərində meyvə oğurlaması da müəyyən olunub.
Faktla bağlı araşdırma davam etdirilir.
