Bakının Səbail rayonunda 15 dekabr tarixində ölümlərlə nəticələnən ağır yol qəzası baş verib. Bu haqda bu gün, dekabrın 16-da Report məlumat verib.
“VAZ-2107” markalı minik avtomobilinin sürücüsü, 26 yaşlı Vasif Behbutov idarəetnəmi itirərək İran vətəndaşı, 37 yaşlı Nazari Çiqlanın idarə etdiyi TIR-ın arxasına çarpılıb.
Hadisə nəticəsində “VAZ”-ın sürücüsü və ön oturacaqda olan kişi aldığı xəsarətlərdən yerindəcə keçinib, arxada oturan iki kişi isə müxtəlif dərəcəli xəsarətlərlə xəstəxanaya çatdırılıb.
Faktla bağlı Səbail Rayon Polis İdarəsində Cinayət Məcəlləsinin “Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan iki və daha çox şəxsin ölümünə səbəb olduqda” maddəsi ilə cinayət işi açılıb. İstintaq aparılır.
