Bakının Nəsimi rayonunda narkotiklərin satışını həyata keçirən daha 5 nəfər saxlanılıb. Bu haqda bu gün, 8 aprel tarixində Bakuplus.az Daxili İşlər Nazirliyinin (DİN) Mətbuat Xidmətinə istinadən məlumat verir.
Dəstənin iştirakçıları Hüseyn Osmanov, Eldəniz Quliyev, Elyanar İbrahimov, Xəyalə Abbasova və Elmir Məmmədov saxlanılıblar. Onlardan 3 kiloqrama yaxın heroin və metamfetamin aşkar olunub.
Saxlanılan şəxslər narkotik vasitələri sosial şəbəkələrdə tanış olduqları “Mobil” adlı İran vətəndaşından internet vasitəsilə satmaq məqsədi ilə aldıqlarını və bu şəxsin rəhbərliyi ilə narkotik vasitələrin qanunsuz dövriyyəsi ilə məşğul olduqlarını bildiriblər. Keçirilən əməliyyat tədbirləri nəticəsində saxlanılanların onun göstərişi ilə sosial şəbəkələrdə gənclər və yeniyetmələr arasında narkotik vasitələrin təbliğatı ilə məşğul olduqları da müəyyən edilib.
Faktlarla bağlı Nəsimi RPİ-də əməliyyat-axtarış tədbirləri davam etdirilir.
