Paytaxtın Sabunçu rayonu, Maştağa qəsəbəsində narkotik təsiri altında avtomobil sürən şəxs tutulub. Bu haqda bu gün, 19 aprel tarixində Bakuplus.az Daxili İşlər Nazirliyinə istinadən xəbər verir.
Ötən gün, təhlükəsizlik kəmərindən istifadə etmədiyi üçün saxlanılan “Chevrolet” markalı avtomobilin sürücüsü, Bakı şəhər sakini Cavid Əliyevin nəqliyyat vasitəsini sənədsiz və narkotik təsiri altında idarə etdiyi məlum olub. Həmin şəxs 15 gün müddətinə həbs olunub.
Araşdırmalar davam edir.
