Bakıda mağazalardan oğurluq edən şəxs polis tərəfindən saxlanılıb. Bu haqda BakuPlus.az Daxili İşlər Nazirliyinə istinadən bu gün, 3 mart tarixində xəbər verir.
Fevralın 10-da paytaxtın Suraxanı rayonunda mağazaların birindən 1075 manat dəyərində 3 ədəd mobil telefon və 4 ədəd elektron qəlyan oğurlamaqda şübhəli bilinən Bakı şəhər sakini T.Bədəlov saxlanılmışdır.
Araşdırmalar nəticəsində onun daha 2 mağazadan ümumilikdə 400 manat pul, 2400 manat dəyərində tütün məmulatları və 1480 manat dəyərində notbuk, 1 alqı-satqı ofisindən 1000 manat dəyərində notbuk, 1 rəsm kursları ofisindən isə 800 manat dəyərində printer oğurlaması da müəyyən olunub.
İstintaq prosesi davam edir.
