İcarəyə avtomobilləri götürüb sonra dələduzluq yolu ilə satmaqda təqsirləndirilən polis və onun tanışının məhkəməsi sona çatıb. Bu haqda 4 noyabr tarixində konkret.az xəbər.verib.
40 yaşlı Sahib Məmmədov (ad və soyad şərtidir) və onun tanışı polis əməkdaşı 35 yaşlı Şahin Hümbətov (ad və soyad şərtidir) icarəyə götürdükləri avtomobilləri satıblar. Onlar əvvəlcə 2019-cu ildə avtomobil icarəyə verilməsi xidməti ilə məşğul olan Əsgər Mahmudovdan (ad və soyad şərtidir) 15.000 manat dəyərində “Kia Rio” markalı maşını icarəyə götürüblər. Sonra avtomobilin dövlət qeydiyyat nişanını gizlədərək alqı-satqı saytında 9690 manata satıblar.
Həmən il “Avtorentacar" MMC-dən 24.000 manat dəyərində “Hyundai İX 35” avtomobilini icarəyə götürüb eyni əməllə saytda 10.000 manata satıblar.
Cinayət Məcəlləsinin dələduzluq maddəsi ilə S.Məmmədova 2 il müddətinə azadlığın məhdudlaşdırılması cəzası, polis əməkdaşı isə Ş.Hümbətov 2 il 6 ay azadlıqdan məhrum edilib.
