Bakının Xətai rayonunun 8 Noyabr prospektində “Toyota Prius”un sürücüsü qəza törədib. Bu haqda bu gün, 10 aprel tarixində Oxu.az məlumat verib.
Sürücü yolda mövcud olan “Azərsu” ASC tərəfindən quraşdırılmış xəbərdaredici nişana, daha sonra yolun kənarında dayanmış avtomobilə çarpılıb.
Hadisə ilə bağlı qurumdan açıqlama verilib. Verilən məlumata görə, Xətai Rayon Sukanal İdarəsi tərəfindən sözügedən prospektdə kanalizasiya baxış quyusunun qapağı dəyişdirilirdi: “Bu səbəbdən yola xəbərdaredici nişan qoyulub. Hadisə dünən baş verib. Təmir işləri də dünən yekunlaşıb. Yol nişanı təyinatı üzrə bəlli məsafədə yerləşdirilib. Qəza törədən nəqliyyat vasitəsinin sürücüsünün xəbərdaredici nişanı görməməsinə bir münasibət bildirə bilmərik. Qəza qurumun gördüyü təmir-bərpa işləri səbəbindən baş verməyib”.
[video width="640" height="360" mp4="https://bakuplus.az/storage/photos/2023/04/360p3.mp4"][/video]
