Bakıda “Tik-Tok” istifadəçisini yazdığı nalayiq ifadələrə görə qətlə yetirən şəxsin məhkəməsi başlayır. Bu haqda 3 fevral tarixində Report məlumat verib.
Nizami rayonunda 2021-ci ilin noyabr ayında Natiq Ramazanov “Tik-Tok” sosial şəbəkəsində yazdığı nalayiq ifadələrlə əlaqədar 40 yaşlı Əli Musayevlə görüşüb. Aralarında baş verən mübahisə zamanı Musayev Ramazanova sağ budun yuxarı nahiyəsindən bıçaqla xəsarət yetirib.
Yaralı xəstəxanaya aparılarkən yolda dünyasını dəyişib. Faktla bağlı Cinayət Məcəlləsinin “Qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsi ilə cinayət işi açılıb. Cinayət işinin ibtidai istintaqı yekunlaşaraq baxılması üçün Bakı Ağır Cinayətlər Məhkəməsinə göndərilib.
Hadisə zamanı ölən Natiq Ramazanov ehtiyatda olan leytenant olub və o, Vətən Müharibəsində iştirak edib.
