Bakının Nizami Rayon Polis İdarəsinin 25-ci Polis Bölməsinin əməkdaşları evində narkotik anbarı təşkil edən qadını saxlayıblar. Bu haqda bu gün, 12 sentyabr tarixində Bakuplus.az Qafqazinfo-ya istinadən məlumat verir.
Belə ki, hüquq-mühafizə orqanlarının əməkdaşları Günay Məmmədovanın üzərində şəxsi axtarış və onun evinə baxış nəticəsində ümumilikdə 2 kq-yə yaxın heroin və metamfetamin aşkar ediblər.
Onunla yanaşı, rayon ərazisində narkotik vasitələrin qanunsuz dövriyyəsində şübhəli bilinən daha iki vətəndaş: Elçin Mirzəyev və Teymur Orucov saxlanılaraq istintaqa cəlb ediliblər.
Faktla bağlı Nizami Rayon Məhkəməsi evində tiryəkxana təşkil edən qadınla bağlı qərar çıxarıb. Məmmədovanın barəsində məhkəmənin hökmü ilə 4 ay müddətinə həbs-qətimkan tədbiri seçilib. Narkoşəbəkənin digər üzvlərinin müəyyən edilməsi üzrə tədbirlər davam etdirilir.
