Bakıda sərnişin avtobusunda qeyri-etik hərəkət edən kişi barədə araşdırma aparılır. Bu haqda BakuPlus APA-ya istinadən xəbər verir.
25 yanvar saat 15:00-da Badamdar qəsəbəsi ərazisində, 31 nömrəli sərnişin avtobusunda baş vermiş hadisə ilə bağlı Bakı Nəqliyyat Agentliyinin (BNA) mətbuat katibi Mais Ağayev və DİN-in mətbuat xidmətinin əməkdaşı, polis mayoru Anar Qafarov fikir bildiriblər.
Mais Ağayev bu cür hərəkətləri pislədiyini, Anar Qafarov isə bununla bağlı ərazi polis orqanında müvafiq araşdırma aparıldığını qeyd edib.
Qeyd olunan tarixdə orta yaşlı kişi avtobusda sərnişinlərin gözü qarşısında qeyri-etik hərəkətlər edib. Bu isə digər sərnişinlər tərəfindən çəkilərək sosial şəbəkədə yayılıb.
