Bakının Səbail rayonu, Bülbül prospekti ilə Zərifə Əliyeva küçəsinin kəsişməsində xəsarətlə nəticələnən yol-nəqliyyat hadisəsi baş verib. Bu haqda bu gün, 11 may tarixində APA məlumat verib.
“Opel” markalı avtomobilin sürücüsü Bülbül prospekti ilə Azneft dairəsi istiqamətində hərəkətdə olarkən yol nişanının tələblərini pozaraq yalnız sağ tərəfə dönmə nəzərdə tutulan zolaqda düz hərəkət etmək istəyib. Bu zaman o, ikinci zolaqdan sağa dönmək istəyən “Mercedes” markalı avtomobillə toqquşub.
Toqquşmadan sonra “Opel”-in sürücüsü idarəetməni itirib və avtomobil beton yolayrıcına çırpılıb. Qəza nəticəsində avtomobillərə ciddi ziyan dəyib. “Opel”-in sürücüsünün qolu sınıb. Yaralı təcili tibbi yardım maşını ilə xəstəxanaya çatdırılıb.
Faktla bağlı araşdırma aparılır.
[URIS id=43870]
