Paytaxtın Sabunçu rayonunda evlərdən, həyətyanı sahələrdən və daş sexindən oğurluq edən şəxs saxlanılıb. Bu haqda 9 iyul tarixində Bakuplus.az Daxili İşlər Nazirliyinin mətbuat xidmətinə istinadən məlumat verir.
Rayon ərazisində cari ilin may-iyul ayları ərzində 23 nəfərin evlərindən və həyətyanı sahələrindən su çəni, su mühərriki, generator, samovar, kombi, velosiped, elektrik naqili, təmir-tikinti alətləri, inşaat materialları, qızıl-zinət, geyim və məişət əşyaları, habelə daş sexlərinin birindən 3000 manat dəyərində 4 ədəd dəzgah mühərriki oğurlamaqda şübhəli bilinən Bakı şəhər sakini, əvvəllər məhkum olunmuş Z.Hüseynov saxlanılıb.
Əməliyyat-axtarış tədbirləri Sabunçu RPİ-nin 15-ci PB əməkdaşları tərəfindən aparılıb. Faktla bağlı araşdırma aparılır.
