Yasamal rayonu, Şamil Əzizbəyov küçəsində park edilən avtomobilin nömrəsini oğurlamaqda şübhəli bilinən şəxs saxlanılıb. Bu haqda bu gün, 27 mart tarixində Bakuplus.az Xəzər Xəbər-ə istinadən məlumat verir.
Nömrəni qaytarmaq üçün sahibindən külli miqdarda pul tələb olunub. Avtomobilin sahibi, Vəkillər Kollegiyasının üzvü Şahin Rəhimov avtomobilin üzərinə yazılan telefon nömrəsi ilə WhatsApp tətbiqində əlaqə saxlayıb. Nömrəni qaytarmaq qarşılığında ondan 1000 manat tələb edilirdi.
Polis əməkdaşlarının keçirdikləri tədbirlər nəticəsində hədə-qorxu ilə tələb etməkdə şübhəli bilinən Bakı şəhər sakini müəyyən edilərək saxlanılıb.
