Bakının Yasamal rayonunda yerləşən evlərdən birinin girişindən velosiped oğurlamaqda şübhəli bilinən şəxs saxlanılıb. Bu haqda bu gün, 13 aprel tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Yasamal RPİ 28-ci Polis Bölməsi əməkdaşlarının keçirdikləri əməliyyat tədbiri nəticəsində şübhəli bilinən əvvəllər məhkum olunmuş R.Həsənov müəyyən olunaraq saxlanılıb. Şəxsi baxış zamanı ondan heroin aşkar olunaraq götürülüb.
Həmçinin məlum olub ki, o, rayon ərazisində daha 10 velosiped oğurlayıb.
