Bakının Nəsimi rayonunda, Həsən Əliyev küçəsində yerləşən binada partlayış olub, xəsarət alan var. Bu haqda bu gün, 11 aprel tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Hadisə yerinə FHN-in əməkdaşları cəlb olunublar. İlkin araşdırmalara görə, beşmərtəbəli binanın dördüncü mərtəbəsində yerləşən, sahəsi 40 kv.m olan ikiotaqlı mənzildə qaz sızması nəticəsində partlayış olub.
Partlayış dalğasının zərbəsindən otağın pəncərə çərçivəsi yerindən çıxıb, şüşələri qırılıb. Mənzildə olan sakin müxtəlif xəsarətlərlə xəstəxanaya yerləşdirilib. Fakt araşdırılır.
[caption id="attachment_96812" align="alignnone" width="640"]
Foto Fövqəladə Hallar Nazirliyinin rəsmi saytı[/caption]
