Bakının Nəsimi rayonunda yerləşən hoteldə qadın altıncı mərtəbədən atılıb. Bu haqda bu gün, 17 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Xəsarət alan qadın fevralın 16-da xəstəxanaya yerləşdirilib.
İlkin araşdırmalara görə, saat 19:00 radələrində Ağcabədi rayon sakini, əvvəllər məhkum olunmuş Ş.Qənbərov onunla qeyri-rəsmi nikah münasibətində olan qadını 6-cı mərtəbənin pəncərəsindən yerə ataraq öldürməyə cəhd edib. Lakin qadın 3-cü mərtəbədəki çardağın üzərinə düşməsi nəticəsində sağ qalıb.
Ş.Qənbərov saxlanılıb, araşdırma davam edir.
