Yenilənib
Hadisə ilə bağlı 22 nömrəli tam orta məktəbin rəsmisi açıqlama verib. Şagirdin məktəbdə 2-ci mərtəbədən yıxılması ilə bağlı məlumat həqiqəti əks etdirmir.
“9f sinfinin şagirdi bu gün fiziki tərbiyə dərsində yıxılıb və qolundan yüngül xəsarət alıb. Məktəb rəhbərliyi tərəfindən dərhal təcili tibbi yardım çağırılıb, şagirdin ailəsinə məlumat verilib. Hazırda şagird evdədir, özünü yaxşı hiss edir", - açıqlamada deyilib.
14:59 - Şagir 2-ci mərtəbədən yıxılıb
Bakının Mehdiabad qəsəbəsində yerləşən Firuz Bayramov adına 22 nömrəli tam orta məktəbdə bədbəxt hadisə qeydə alınıb. Bu haqda bu gün, 30 mart tarixində Baku.ws məlumat verib.
İlkin məlumata görə, orada təhsil alan 9-cu sinif şagirdi ikinci mərtəbədən yıxılaraq xəsarət alıb. Hadisə yerinə təcili tibbi yardım cəlb olunub, yeniyetmə xəstəxanaya yerləşdirilib.
Hadisənin hansı səbəbdən baş verdiyi məlum deyil.
