Bakıda məşhur tamada Natiq Dağlaroğlunun toyda bıçaqlanması ilə bağlı yeni faktlar məlum olub. Bu haqda BakuPlus.az Qafqazinfo-ya istinadən bu gün, 5 iyul tarixində xəbər verir.
İyulun 2-də gecə saat 01:00 radələrində Nizami rayonunda yerləşən “Altun” şadlıq sarayında tamada N.Dağlaroğlu ilə yanaşı, musiqi ansamblının üzvü, 50 yaşlı Yaqub Mehdiyev də bıçaqlanıb.
Hər iki şəxs ağır vəziyyətdə xəstəxanaya çatdırılıb. Yaxınlarının dediyinə görə, Natiq Dağlaroğlu əməliyyat olunduqdan sonra reanimasiya şöbəsinə yerləşdirilib.
Məlumata görə, hadisə nəticəsində atasını restorandan götürməyə gedən oğlu Məhəmməd də xəsarət alıb.
Hadisənin 35 yaşlı Məmməd Hüseynov adlı şəxs tərəfindən törədilməsinə dair əsaslı şübhələr müəyyən edilib.
Faktla bağlı cinayət işi açılıb, əməliyyat-axtarış tədbirləri həyata keçirilir.
