Bakı sakini Hacıqabulda narkotiklə tutulub. Bu haqda bu gün, 9 may tarixində Bakuplus.az Daxili İşlər Nazirliyinə istinadən xəbər verir.
Bakı - Qazax yolunda yoxlama məqsədilə “Kia” markalı avtomobil saxlanılıb. Sürücü, Bakı şəhər sakini Nasir Məmmədov və sərnişinlər, əvvəllər məhkum olunmuşlar Ruslan Cavadov, Mehman Mirzəyev və Elgün Əliyev özlərini şübhəli apardıqlarına görə posta dəvət ediliblər.
Bu zaman sərnişinlərdən biri bıçaq çıxararaq onları buraxmağı tələb edib, əks halda özünü doğrayacağını bildirib. Digər sərnişin isə qaçmağa cəhd edib.
Şübhəli şəxslər saxlanılıblar. Avtomobildən isə heroin, marixuana, metamfetamin, beşbarmaq və bıçaq aşkar edilib.
Faktla bağlı araşdırmaya başlanılıb.
